மாதரே மாதரே

 மகனின் பசியைப் பல மைல்கள்

  தூரத்தில் கூட 

    அறியும் அன்பான , 

        அழகான 

            அம்மாவாக ,

  பார்வை இழந்த போதும் 

     பரவசத்தோடு பேரனை 

        பார்த்துக்கொள்ளும் 

             பாட்டியாக ,

  அன்பைக் கூட அதட்டியும் 

     அடித்துச் சொல்லும் 

            அக்காவாக ,

 

  தன்னிகரில்லா பாசத்தை 

    அள்ளிக் கொடுக்கும் அன்பு

            தங்கையாக ,

  கெட்டதை விட்டுவிட்டு நல்லதை 

      மட்டுமே நன்றாக   

         சொல்லிக்கொடுக்கும் நல்ல 

               நண்பியாக ,

  கனவுகளை நனவாக்கும் வகையில் 

     கண்ணைக் காக்கும் 

        இமையைப்போல் அமையும் 

                காதலியாக ,

   

  கள்வனை கண்ணியமான   

     கணவனாக மாற்றக்கூடிய 

         சக்தி படைத்த 

                மனைவியாக ,

  மூத்தோர் சொல் கேட்காதவனை கூட 

       முட்டிப் போட வைக்கும் 

               மகளாக ,

  மீண்டும் குழந்தைப் பருவத்திற்கே 

       கூட்டிச் செல்லும் குறும்புக்கார 

            பேத்தியாக ,

இப்படி ஒவ்வொரு ஆணின் வாழ்வை 

 முழுமைப் படுத்தும் பெண்களுக்கு ,

இனிய மகளிர் தின நல்வாழ்த்துக்கள்...

உனக்கு முதல் குழந்தையாக நான் இருக்கலாம் , 

ஆனால் எனக்கு முதல் தெய்வம் நீ மட்டுமே ...